കഴിഞ്ഞ ദിവസം കണ്ട ഒരു വാര്‍ത്തയാണ് എന്നെ ഇങ്ങനെ ഒന്ന് എഴുതുവാന്‍ പ്രേരിപ്പിച്ചത്. അങ്കമാലി ഡയറീസ് എന്ന സിനിമയിലെ ലിച്ചി എന്ന കഥാപാത്രം അറിയാതെ ഒരു പരുപാടിയില്‍ ചെറിയൊരു കാര്യം പറഞ്ഞു, പക്ഷെ നമ്മുടെ മാധ്യമങ്ങള്‍ അല്ലെ അവര്‍ അത് അങ്ങ് ഊതി വീര്‍പ്പിച്ചു.
ദൈവത്തെ ആരാധിക്കുന്നില്ലെങ്കിലും പലരും #താരാരാധനയില്‍ മുന്‍പന്തിയില്‍ ആണ്. വരും കാലം തമിഴ്നാടും കര്‍ണ്ണാടകയും കേരളത്തിന്‌ പിന്നില്‍ നില്‍ക്കേണ്ടി വരും ഈ അവസ്ഥയില്‍ പോയാല്‍....
ആ നടി പങ്കെടുത്ത പരുപാടിക്കിടെ അവതാരക ചോദിച്ചു ദുല്‍ഖര്‍ സല്‍മാനും മമ്മൂട്ടിയുടെയും കൂടെ അഭിനയിക്കാന്‍ ക്ഷണം ലഭിച്ചാല്‍ ആരെ സ്വീകരിക്കുമെന്ന് . നടി അതിനു ഇങ്ങനെ മറുപടി നല്‍കി " ദുല്‍ഖര്‍ നായകനായിക്കോട്ടേ, മമ്മൂട്ടി അച്ഛനായിക്കോട്ടേ, അത് പോലെ തന്നെ തിരിച്ചും. ഇത് പറഞ്ഞ നടിയുടെ ഈ വാക്കുകള്‍ ഏതോ ഓണ്‍ലൈന്‍ പത്രം ആദ്യം അങ്ങ് വാര്‍ത്തയാക്കി
ആ വാര്‍ത്തയുടെ ഹെഡ്ലൈന്‍ ഇങ്ങനെ " മമ്മൂട്ടി വേണമെങ്കില്‍ തന്റെ അച്ഛനായിക്കോട്ടേ, എനിക്ക് മമ്മൂട്ടിയുടെ നായികയായി അഭിനയിക്കാന്‍ കഴിയില്ല, മമ്മൂട്ടിയെ പരിഹസിച്ചു ലിച്ചി.....
പിന്നെ പറയണ്ടല്ലോ ആ നടിയുടെ അവസ്ഥ... ആ നടിയുടെ ഫേസ്ബുക്ക് പ്രൊഫൈലില്‍ മമ്മൂട്ടി ഫാന്‍സ്‌ നടത്തിയ തെറി വിളി ഒന്ന് കാണേണ്ടത് തന്നെ... ആ ഫാന്‍സുകാര്‍ ചിന്തിക്കുന്നില്ല അവര്‍ വിളിക്കുന്ന തെറിവിളിയില്‍ വില കളയുന്നത് മമ്മൂട്ടി എന്ന മികച്ച നടന്റെയാണ് എന്ന സത്യം....... എന്തായാലും അവസാനം ആ നടി തന്നെ ലൈവ് വന്നു കരഞ്ഞു കാലുപിടിക്കേണ്ടി വന്നു ഫാന്‍സുകാരോട്...
സാക്ഷരതയില്‍ മുന്‍പന്തിയില്‍ ഉള്ള കേരളത്തിന്റെ താരാരാധന സത്യത്തില്‍ പേടിപ്പെടുത്തുന്ന ഒന്നാണ്... മുന്‍പ് കര്‍ണ്ണാടകയില്‍ അവിടുത്തെ അന്നത്തെ സൂപ്പര്‍സ്റ്റാര്‍ ആയിരുന്ന രാജ്കുമാറിനെ വീരപ്പന്‍ തട്ടി കൊണ്ടുപോയപ്പോഴും പിന്നീട് അയാള്‍ മരിച്ചപ്പോള്‍ അവിടെ നിരവധി വാഹനങ്ങള്‍ അഗ്നിക്കിരയാക്കിയതും എല്ലാം നാമെല്ലാം വായിച്ചതാണ്. അപ്പോള്‍ നമ്മള്‍ പറഞ്ഞു " ഈ പൊട്ടന്മാരുടെ ഒരു കാര്യമേ , അയാള്‍ മരിച്ചതിനു എന്തിനു ഇങ്ങനെ നശിപ്പിക്കണം "
ഈ ഒരു അവസ്ഥയിലേക്കാണ് ദൈവത്തിന്റെ സ്വന്തം നാടായാ സാക്ഷരതയില്‍ മുന്‍പന്തിയില്‍ ഉണ്ടെന്നു നാം അഹങ്കരിക്കുന്ന കേരളത്തിന്റെ യാത്ര.....
കഷ്ടം തന്നെ മുതലാളി കഷ്ടം തന്നെ.....#സാക്ഷരത ഇനി നമുക്ക് പുഴുങ്ങി തിന്നാം.... തെറിവിളിയില്‍ നമുക്ക് ഒരു ഗിന്നസ് റെക്കോര്‍ഡ് നേടാം ഇങ്ങനെ പോയാല്‍...