ഒരു രണ്ടുമാസം മുന്‍പ് കര്‍ണ്ണാടകയില്‍ ഒരു പത്രപ്രവര്‍ത്തക അതിധാരുണമായി കൊലചെയ്യപ്പെട്ടപ്പോള്‍ പലരും ഇങ്ങനെ പറഞ്ഞത് കണ്ടു " എഴുത്തുകാര്‍ക്ക് അഭിപ്രായ സ്വാതന്ത്ര്യം ഉണ്ട്, അതിന്മേല്‍ ഉള്ള ആര്‍ എസ് എസ് ന്റെ കടന്നുകയറ്റം ചെറുക്കണം " (ഇത് പറയുമ്പോള്‍ ഞാന്‍ ഒരു ആര്‍ എസ് എസ് പ്രവര്‍ത്തകന്‍ ആണെന്ന് നിങ്ങള്‍ കരുതരുത്. എനിക്ക് യാതൊരു രാക്ഷ്ട്രീയവും ഇല്ല.) മേല്‍പ്പറഞ്ഞ അഭിപ്രായത്തോട് ഞാനും അനുകൂലിക്കുന്നു. ആര്‍ എസ് എസ് എന്നല്ല ആര്‍ക്കും തന്നെ ഒരു ആളുടെയും അഭിപ്രായ സ്വാതന്ത്ര്യത്തെ തടയുവാന്‍ അധികാരമില്ല. നമ്മള്‍ ജീവിക്കുന്നത് ഇന്ത്യാ മഹാരാജ്യത്താണ്, ഇവിടെ നമുക്ക് അതിനുള്ള അധികാരം ഉണ്ട്.
അപ്പോള്‍ പിന്നെ ഇന്നലെ എന്തിനു ആ കവിയെ വിമര്‍ശിച്ചു? അദ്ദേഹത്തിന്റെ ഒരു കവിതയെ മാത്രം വിലയിരുത്തി അദ്ദേഹത്തെ വര്‍ഗ്ഗീയ വാദി അല്ലെങ്കില്‍ ഏതെങ്കിലും ഒരു പ്രത്യേക മതത്തിനു എതിരെ പറയുന്നവന്‍ എന്ന് തരം തിരിക്കുന്നത് ശരിയായ കാര്യമാണോ? അദ്ദേഹം പര്‍ദ്ദ എന്ന പേരില്‍ ഒരു കവിത എഴുതി, ഇതിനുമുന്‍പും പലരും ഇത്തരത്തില്‍ കവിതകള്‍ അല്ലെങ്കില്‍ കഥകള്‍ എഴുതിയിട്ടുണ്ട് അന്നൊന്നും ആര്‍ക്കും ആരെയും ഭീഷണിപ്പെടുത്തേണ്ട ആവശ്യം ഉണ്ടായില്ല. എന്നാല്‍ ഇന്ന് അങ്ങനെ സംഭവിക്കുന്നു. ഇങ്ങനെ പോയാല്‍ ഇനി ഇവിടെ ആര്‍ക്കാണ് യഥാര്‍ത്ഥത്തില്‍ സ്വാതന്ത്ര്യം ഉണ്ടാകുക???
ഇത് എന്റെ പര്‍ദ്ദയാണ് ഇതില്‍ ആര്‍ക്കും അവകാശമില്ല.... ഇതിന്റെ കോപ്പി റൈറ്റ് എനിക്ക് മാത്രം..... ദയവായി ഭ്രാന്ത് ഉള്ളവര്‍ ഇവിടേക്ക് വരരുത്....
